طريقة التمرية المعتمدة بحفلاتنا
وبما أن ما بقى الا ايام قليلة على رمضان حبيت افيدكم فيها لان التمر اساس السفرة
الرمضانية
الطريقة من المبدعة فروحة الامارات
أحب طبخاتها مضبوطه ماجربت شي منها الا يضبط ماشاء الله
المقادير :
كاس دقيق بر
نصف كاس حليب بودرة
نصف اس بسكويت مطحون
اصبع زبده كامل (لكن انا احب اخفف الدهون فما احط الا نص )
علبة قشطه
4 ملاعق طحينه سائله (انا استغنين عنها )
كيلو معجون تمر جاهز او اي تمر عندك
الطريقة :
(كأس دقيق بر +ن ص كأس حليب بودرة+
نص كأس بسكوت ) تحمس على نار حتى تشفر ونضيف ربع الى نصف اصبع زبدة 25-50غ
ونقلب حتى تتجانس تضاف إلى كيلو معجون تمر وعلبة قشطة و ننعجن حتى تتجانس ويكون
القوام وسط لاقاسي مره ولا لين مره و
نبدأ بتشكيل التمر حسب الرغبة مربعات دوائر وتغمس في سمسم أو اوريو وجوز هند و
بسكوت لوتس و لكِ الحرية في التغميسه
استخدم قوالب السليكون للتشكيل ارش
فيها بسكوت او حوز هند او اوريو او لوتس اي شي انتم حابينه
ثم احط التمره بدون دهن القلب بزيت
لانه اذا دهنته صار التمر مره لين
والحلو في هالطريقة جربت افرزنها
واتغير طعم التمر ولا شكله بس اهم شي تغلفين التمر بقصدير ثم في علبه محكمه الاغلاق
او في كيسين جوا بعض عشان مايدخله الثلج ويخربه
والله يلحقنا رمضان على خير
ويجعلنا من صوامه وقوامه :)
كل عام وانتم الى الرحمن اقرب
