روتين سكتشات اليومي :)
8:26:00 م
وفقط كتبت اللي يخصني انا ..
بنتي والاهل ماكتبتهم معي
لأن استخدم التقويم السنوي الكبير اللي على الثلاجه لهالأشياء
(مع اني للآن ماطبعت حق السنة الجديدة )
لكن بالعادة هو اللي استخدمه مثلا ايام مراجعتي ايام حملي /موعد ولادتي /تطعيمات
ألين ...إلخ
هذا الروتين اللي يخصني انا عشان أقدر أوازن بين هوايتي وشغل البيت وبنتي
لأن بصراحه أنا من النوع اذا ماكان لي وقت مستقطع خاص فيني أسوي فيه شي أحبه
مع الأيام أكره الروتين ويبين بنفسيتي أو شي تأخرت ماسويته يقلقني ما أرتاح
قبل ما أجيب بنتي وقبل اجرب الحياةالزوجيه
وحتى بعد مانقلت لبيت اهلي مرة ثانية
ماكنت اهتم لهالشي لان ماخذه راحتي
ارسم متى ما ابغى.. وادون متى ما ابغى
مو زي الآن وجود طفلة لازم عيني عليها طول الوقت وشغل البيت والطبخ
وخاصة هوايتي الرسم اللي يبي له روقان ما أقدر ارسم وانا ببالي العشاء او تنظيف
هذا او ترتيب هذا
فمشيت على هالروتين فتره والحمد لله قدرت اوافق كل جوانب حياتي
واحس بالسعاده أمارس شي احبه وما أقصر بالجوانب الثانيه
حاليا عند امي وماشيه على نفس النظام
ومها تغيرت حياتي بالمستقبل ماراح اغيره يمكن اضيف واعدل
بس مكان الهوايات والاشياء اللي تسعدني بيظل موجود
^_^
أعرف طولت الكلام بس لازم افهمكم نفسيتي أول ههههه
انا طبعته لمنظمي الشخصي وقدامه ورقه شفافه اقدر امسح الماركر منها كل يوم
عشان ماطبع ورقات كثيره وحده تكفي
بشرح لكم كل وقت ايش اسوي بالضبط
لان تقسيمي مو بالساعات لا باوقات الصلاه أريح لي ماعتمد ساعة معينه
بالصلاة افضل
بعد
الفجر
هذا لديني
هذا لديني
اقرأ وردي واراجع حفظي واقرأ اذكاري واحصن نفسي وبنتي وهي نايمة اسهل
وانا أتوضا لصلاة الفجر أغسل معي حمامي ومغسلتي واغراض التنظيف بالحمام
أسهل لي ما اتعيجز
وان شاء الله بسوي موضوع ثاني لروتيني بالتنظيف مره مريح وسهل
وبنفس الوضوء اغسل بشرتي بالكليراسونيك وغسولي وعلى طول انشف واحط واقي
الشمس
ممكن انام بعد الصلاة واخلي عنايتي ببشرتي لما اقوم ثانيه بس هذا نادر
انا انسانه احب الصباح ما احب السهر اقوم بدري وانام بدري
دجاجه ههههه وكل اهلي عارفين هالشي من وانا صغيره هذا طبعي
المهم بعدها ارتب سريري لازم لأن لو مارتبته برجع له واتسدح عليه طول
اليوم وماراح اسوي شي
فاذا رتبته خلاص مارجع له واتحسف احوسه
قبل الفطور رياضه 4 دقايق بس توننق
أو هذي اذا لي مزاج اتمرن كثير
ممكن اخليها للساعة 10 بعدماخلص شغلي اذا كنت مره جايعه وابي افطر على طول
ممكن اخليها للساعة 10 بعدماخلص شغلي اذا كنت مره جايعه وابي افطر على طول
بس احب اخلصها عشان ارتاح منها وتروح من تفكيري
افطر انا وبنتي غالبا شوفان او بيض مع حليب او شابورة
ونهايه الاسبوع اتكلف شوي واسوي شكشوكه او فول
مراصيع أو شي يدفي ويشبع مع هالبرد ^^!
مراصيع أو شي يدفي ويشبع مع هالبرد ^^!
بعد الفطور على طول اغسل ألين وتفرش هي اسنانها
والبسها وامشط شعرها اخليها نظيفه
عشان نفسيتها ونفسيتي برضو اشوف كائن نظيف ومرتب :P
بعدها ابدا شغلي اليومي
اللي هو غرفتي وحمامي والصالة والمطبخ والغسيل
غرفتي وحمامي طاحو من الشغل مع صلاة الفجر
قبل ابدا احط دفعه غسيل وحده يوميا ربع ساعه وهي مخلصه
مره ابيض مره اسود مره فوشي لان اكثر ملابس الين فوشي
ومره فواتح ومره غوامق
كل يوم دفعه وحده بس اسهل ماجمع الغسيل كله لنهايه الاسبوع مره ارتحت على هالنظام
اكنس الصالة وامسحها وامسح السيراميك
والمطبخ غالبا يكون نظيف من الليل لان روتين الليل انظف المطبخ
بس اغسل مواعين الفطور واطلع لوازم تحضير الغدا
دجاجتي المثلجه او لحم مفروم اي شي يبي له ذوبان
وبعدها ابدا بالتنظيف الاسبوعي المخصص لهذا اليوم لأنه غالبا اطول
من التنظيف الشهري فأخليه الصباح وانا لسى نشيطه
خلصنا التنظيف غالبا ينتهي الساعة 9- او 10
ممكن تتسائلون وين ألين بهالوقت
ياتكون معي تدور واعطيها فوطه تمسح معي
او تناظر التلفزيون أو تلعب بالسيكل حقها برا بالحديقه ^^!
يبقى لي ساعه الى ساعتين استفيد منها ارسم او ادون او العب مع بنتي
او نرسم سوا
بعد
صلاة الظهر
ابدا احضر الغدا حول 12 تقريبا واخلصه الساعه 1
واغسل المواعين وانا اطبخ مابقي شي وراي عشان ماتعيجز اغسله بعد ما اشبع
نتغدا وبرضو اغسل المواعين فورا ما اخلي شي
انظف التنظيف الشهري على السريع
ثم انوم للعصر ومو دايما ..احيانا
خلاص هالوقت وقت روقان لي
حطيت من اهدافي هالسنة اتعلم الحلى لاني اطبخ بس الحلى مو مره شاطره فيه
والحمد لله صار عندي كميه من الوصفات خلاص اعتمدتها وقت الزنقات والعزايم
ماصرت اجرب بالناس ههه اجرب باهل البيت أول
ممكن هالوقت حلاي اللي فرحانه فيه نروح به لزياره
او نجلس ببيتنا نتقهوى امام الطبيعة الخضراء
اونطلع نقضي للبيت مقاضي او مشوار مكتبه سوق ملاهي اي شي
احاول هالوقت ماخلي فيه مهام كثيره
لأنه للتمشيه ولنفسك عليك حقا
واحنا بنعيش حياه وحده فليه مانستمتع فيها :)
حتى لو الأجواء اللي حولك ماتساعد انتي هيئي جو حلو
حتى اختي اللي24 ساعه بغرفتها هالوقت صارت تطلع لأنها عارفه وقت القهوه
والحلا والسواليف
والله صرنا نشوف بعض تصدقون ههه:P
احضر العشاء
ارتب الصالة سطحي بس اشيل حوسة بنتي والعابها اوراق مناديل
خلاص تعودتو ناكل ونغسل اللي بعدنا على طول
وانظف المطبخ امسح الاسطح والارضيه
اجمع زبايل البيت
وارجع اشوف قائمة المهام اذا باقي شي نسيته
قبل النوم
وانظف المطبخ امسح الاسطح والارضيه
اجمع زبايل البيت
وارجع اشوف قائمة المهام اذا باقي شي نسيته
قبل النوم
اجهز بنتي للنوم البسها بجامتها اروشها عشان تنام على طول ماتعذبني
احط لها العابها وحيوانتها تلعب شوي بالمويه واطلعها
اجفف شعرها بالاستشوار عشان الآن شتاء
بالصيف لا ماجففه اخليه ينشف من نفسه
نتفرج مع بعض على فلم عائلي
تحب فلم spongpop
3d ,وفلم
سندريلا
وفلم inside
out مع انها تنام قبل
يخلص الفلم
اذا عندكم افلام تصلح للاطفال حطوها بالتعليقات
احيانا تعطيني وجه اقرأ لها من كتاب واحيانا لأ
ما ألومها الكتب العربية المناسبة لسنها شبه معدومة
مافيه الا انقليزي او كلام كثير بالقصة مايناسب عمرها
هي تحب القصص اللي صورها كثيره وكلماتها قليلة
فصرت اشغل لها قصص فيديو واحسها حبتها وصارت تقلدهم
زي هذي حقت الاسنان صارت تحرص تفرش اسنانها عشان السوسه صارت تخاف منها
(بنتي عمرها 3ونص تفهم وذكيه وتقلد اللي تشوف)
أو كرتون بيبا بيق صح لغته انقليزيه بس حلو المفاهيم اللي فيه ويحمس للمتابعة حبته
احاول حفظها شي من القرآن اشغل لها هذا البرنامج
احاول حفظها شي من القرآن اشغل لها هذا البرنامج
برنامج حفظ القرآن
والحلو تتحكمين بسرعة القرآءة فاخليه بطي عشان يمديها تلقط الكلمات وتحفظها
وحفظت سوره الاخلاص
صح حفظها مو مره تقول نص الايه الاخير وانتي قولي البدايه لها
بس شي احسن من لاشي
ولما تحفظها زين بنتقل لسور ثانيه بس للآن حفظها ركيك
اشوف التقويم ومواعيدي او مواعيدها
اواذا انا معلمه يوم لشي مهم حفله او طلعه او زيارة
اجمع اغراضي واوراقي وثبوتاتي اذا كان عند الين
موعد او انا بقدم على وظيفه
مع ان هالأيام محد معطيني وجه بس نحاول لآخر قطره ^^!
آخر خطوه اغسل وجهي واعيد روتين الصباح لبشرتي بس هالمره كريم الليل وعلاجي حق بشرتي
وادهن رجولي ويديني واقرا شي من النت او اتصفح جوالي او كتاب ثم انام
هنا موقع فيه رائي بالكتب اللي قريتها والكتاب الللي اقراه حاليا
وبنهاية الموضوع
روابط استفدت منها بحياتي
وشغل البيت
فيديوهات استفدت منها كثير
روتين شغل البيت الصباح -جين
روتين شغل البيت المساء-جين
(حبيت جين حسيت فلسفتها زيي
شغل شوي مقسم طول الاسبوع احسن من شغل كثير في يوم واحد ^^!)
اكثر شي ابيه الامهات تستفيد من موضوعي
لان عارفه كيف الاطفال يسرقون وقتك
ومايكون لك وقتك الخاص!!
بجهز موضوع عن تنظيفي للبيت يومي واسبوعي وشهري
لكن في اشياء عدلتها مع الوقت حسب البيت اللي انا فيه والغرف
فبضبطه وانزله ان شاء الله
هنا الموضوع تبع جدول تنظيف البيت يومي واسبوعي وشهري
3 تعليقات
ماشالله تبارك الله اتمنى اكون مرتبه زيك ،، مره استمتعت وانا اقرا الله يقويك ..
ردحذفمره شكرا على ردك الحلو :) .من ذوقك والله
حذفماشالله عليك ربي يحفظك حببت المدونات اللي كذا تعطي طاقته ايجابيه. اول مره ادخل مدونتك وأعجبتني استمري لتنشر ساقه الإيجابية بكل بيت ربي يحفظك ي استكش ااااااات
ردحذف