رسمة جديده بالبريزما كولور

هذي ميمي ومايا من الكرتون المفضل عندي بطفولتي 

كان خيالي واسع وكنت اتمنى يكون عندي صديقة مثل ميمي صغنطوطه احطها بجيبي ههههه

ما ادري ايش الحكمه بس كنت ابي شي صغير يكون معي يشاركني مغامراتي الطفولية 

وآخذه معاي المدرسة يشوف ايش يسووون المدرسات بغرفتهم وايش يحشون فينا ههههه
او ارسلها تبرد قلبي باي احد رافع ضغطي
كرتون له طعم مو مثل كراتين الحين يبدا وينتهي مافهمت شي ^^!
مافيه قصه عاطفيه مافيه هدف
مع ان الرسمات الان تطورت وصارت احسن بس ما ادري ليه كرتون أول احلى ^ـ^
و للآن احب هالكرتون ^^! 

هالمره ماستخدمت الزيت مثل رسمه الارنب 

وحسيت تعبت مع الالوان ودمجها
لأن الألوان الخشبيه لازم تضغطين عليها بقوه عشان الدمج

وتعلمت من خطأي بتلوين البلوزة انه بالبريزما لازم المكان الفاتح يظل فاضي وقلت التلوين

ومع الدمج فوقه بالابيض يطلع التدرج اللي ابيه 

اكتشفت اشياء وتقنيات جديده بالتلوين مع البريزما كولور 

عرفت انه لازم نستخدم ماده تذوب اللون بالورق ويعطيني نتيجه دمج مرضيه مو نقط بيضاء في اللون بسبب عدم الدمج 

من هالمواد القامبسول -gambsol- ,وزيت الاطفال الاول ماتوقع القاه بالسعوديه فاستخدم الثاني

بعدين ريحته حلوه ومايكتم =P 

هالفيديوات تعلمت منها اساليب جديده للدمج اكيد باستخدمها للرسمات الجاية :)

واخيرا الخطوات 

باااي