فرنش توست صحي
2:55:00 م
السلام عليكم متابعيني الصحيين
اليوم راح اسوي معكم فرنش توست صحي سعراته تقريبا 350 كالوري
ينفع فطور للي يحبون الاكل الحالي على الصبح والدسم
اهم عنصرين لازم تنتبهون لهم لانها اكثر شي يرفع السعرات الزبده والشيره
بالنسبة لي ما استخدمها لان المقلاه حقتي تيفال مايلصق فيها الاكل
ممكن لو حابين نكهة الزبده تستخدمون بخاخ لورباك بدل الزبده نفسها
بسم الله
ونبدا بالمقادير مع الطريقة
انا سويت مقدار ل4 اشخاص لكن المقادير اللي بعطيكم لشخص واحد
في وعاء مسطح يكفي لتغميس التوست نضع
بيضه وحده
حليب ثلث كوب
ملعقه صغيرة قرفة
ملعقة صغيرة سكر بني
رشة فانيلا
هواقل توست لقيته بالسعرات وبما انه بر بيشبعك لمده اطول
وللمعلوميه البر والابيض نفس الكالوري بس الفرق ان البر في الياف مفيده وثانيا يشبع لفتره طويله
انا لما اسوي هالفرنش توست اجلس للغدا بدون سناك ما اجوع
بعد مانغمسهم من الجهتين نحطهم على المقلاه بدون زيت
ونقلبهم من الجهتين
انا مسويه لي بر وبنتي ابيض ^^!
لما يستوي البيض ويتحمر من الجهتين
نضع التوست بصحن التقديم ثم نضيف نصف موزه وخمس حبات فراولة
وألذ شي نحط ملعقتين طعام من هالسيرب ونستمتع بالذ فرنش توست
بدون مانحس بتأنيب الضمير والكالوري الزيادة :)
وحسبت لكم الكالوري بالزبط باستخدام برنامج fitness pal
القرفه مالها سعرات تذكر والسكر البني 11 كالوري للملعقه
فالمجموع 350 كالوري مع الجدول اللي فوق
اتمنى تستفيدون من الوصفه ولو سويتوها سوي لي تاق على الانستقرام
كونو بصحه وعافيه
^ـــ^
0 تعليقات