تجربتي بشراء تابلت intuos pro من امازون والشحن المباشر للسعودية

9:25:00 ص


السلام عليكم
اول موضوع لي بسنة 2016 اتمنى تكون سنة خير لي ولكم
ويمتعنا فيها بالصحة والعافية
طلبت intous pro نهاية السنة واجلت الموضوع بسبب إني كنت مبسوطة بالعطلة بين الترمين وتمشينا فيها فما حبيت وانا بالاجازة
اشيل هم كتابة وتنسيق صور أحب انزل المواضيع وانا مروقة
المهم !!

هذي تجربتي الثالثة مع البريد السعودي وكل تجاربي معهم جميلة ومشجعه اني اطلب عن طريقهم لأي موقع يشحن مباشر للسعودية
او مره طلبت منتج تبييض الاسنان من موقع امريكي وثاني مره طلبت  جزمة من موقع علي اكسبريس الموقع الصيني وكلهم وصلو

وانا طبيعتي من النوع البثر اللي يشتق اذا طلبت ازعج خدمة العملاء وين شحنتي وين شحنتي
وتعامل خدمة البريد السعودي بتجاربي السابقة جدا ممتاز 
(على حسابهم بتويتر @saudipost_care تقدرون تستفسرون )

هالمرة صرت عاقلة ولا ابثرتهم لأني ضامنة ان أمازون بتعوضني لو حصل شي للجهاز
لأن تجاربي مع امازون كثيرة ودائما يكون العميل راضي عندهم

image
طلبت الجهاز بسعر مخفض بسبب تخفيضات الكريسمس عندهم
$299.93 تقريبا 1167 ريال (كان سعر الدولار وقت طلبي مرتفع 3.9 ريال مقابل دولارواحد ) Smiley In Hot Water Smiley Face, Emoticon
ووصل لي ب10 ايام بس  مع ان التاريخ اللي مفروض يوصل كان 9 من الشهرالأول بسنه2016 فبدل مايخذ 20 يوم وصل لي ب10 ايام
واذا انت مشترك بخدمة البريد السعودي للتوصيل بختم الكتروني راح توصل لباب البيت (مو زي ارامكس تعالي استلميها <<أكرههمSmiley With Mouth Cover Smiley Face, Emoticon)
 

 
فحبيت تشاركوني فتح الكرتونة وايش فيها للي حاب يشتري واكوم
الكرتونة وصلت سليمة مافيها ولا خدش وزي الشنطة اقدر احفظ فيها الواكوم لو حبيت
بس انا راح اخيط او اشتري شي مبطن باسفنج آمن واقل مساحة لأن الكرتون مرة كبير
 
فيها كرتون ثاني عليها اسم الواكم اللي شريتها حسيت اللون الأسود فخامة

 
بعدين كرت الواكم

 
بعدها فيه لوحة الرسم نفسها وقلمها مع حامل للقلم (حامل القلم فيه رؤوس تغيير رأس القلم )

 
وتحت آخر طبقة من الكرتون فيه الشاحن و ظرف فيه قطعة توصيل التابلت (لوحة الرسم) بالكمبيوتر لاسلكيا
 
بالظرف معها حلقات تغييرين لون رأس القلم لو حبيتي


وآخر شي سي دي تعريف التابلت على الكمبيوتر انا ماستفدت منه لأن التعريف للاجهزه وندوز 8 وقبل
انا وندوز 10 فنزلت التعريف من موقعهم

 
انا اخذت الحجم الوسط لأن مزايا الازرار والتعديل احسن من الحجم الصغر
(من الازرار على اليسار اتحكم بحجم الفرشة وادور بمساحة العمل
وفيها alt و shift اللي استخدمها كثير بلوحة المفاتيح فكذا استغني عن لوحة المفاتيح واستخدمها بلحالها
الحجم اكبر من لوحتي السابقة للآن ماتعودت على الحجم الكبير هذا متعودة على الصغير بس مع الأيام بتعود

 
اكثر فرق حسيت فيه بين تابلتي القديم والجديد حساسية القلم مررة عالية ودقيقة والجودة فرق شاسع
حقتي القديمة كنها لعبة صارت كانت بلاستيك وقلمها خفيف ريشه اما الجديدة فجودة المواد المستخدمة بتصنيعها تحسينها بالملمس والوزن
القلم عندي صار اثقل لكن مسكته قويه ملمسه زي الجلد المطفي مايزلق من يدي زي القديم
واكبر فرق اللي خلاني اشتري الجديدية  هو توقف الدعم لتابلتي
حتى شركة واكوم تقول ياسكتشات غيري حقتك ههههSmiley Crying With Joy Smiley Face, Emoticon
ماعاد صارت تشتغل مع وندوز 8 و10 والدرايفر مايدعم الا وندوز فيستا وسبعة
فاضطريت اشتري ولا انا ماكان عندي نية ^^! Sly Smile Smiley Smiley Face, Emoticon
بس احسن هدية اهديتها لنفسي عارفة إني بحللها مثل ماحللت القديمة


روابط مفيدة Red Heart Shape Smiley Face, Emoticon

طريقة التسجيل والطلب من أمازون .. خطوة بخطوة


You Might Also Like

4 تعليقات

  1. تتهني فيه يارب ..
    أنا عندي واكم أقل نوع في الخصائص لأن إستخدامي له مو كثير لكن أشيد بالجوده حقتهم مره رهيبه , ومافيه بهذله بالتوصيل والتشغيل والبرامج ..

    موفقه يارب ..

    ردحذف
    الردود
    1. الله يسعدك اختي على طلتك الحلوة :)

      حذف
  2. السلام عليكم
    مدونتك جميلة
    أحمد
    rashidyahmad@yahoo.com

    ردحذف
    الردود
    1. وعليكم السلاموالرحمة
      شكرا اخ احمد :)

      حذف

الموضوعات الأخيرة

المتابعون

تويتر